Як заўсёды цэнтральнай фігурай у камандзе апынуўся Робін ван Персі. Спачатку галандзец забіў сам, а затым аддаў галявыя перадачы Томасу Вермалену і Мікелю Артэце.
Госці практычна нічым не запомніліся, і «кананіры» атрымалі, напэўна, самую лёгкую перамогу ў гэтым сезоне.
Падапечныя Арсена Венгера атрымалі ў Прэм'ер-Лізе 4 перамогі запар і пасля фінальнага свістка мелі аднолькавую колькасць ачкоў з «Ліверпулем» і «Тотэнхэм». «Шпоры» маюць 2 гульні ў запасе, аднак, як і ўсе каманды першай шасцёркі, «Тотэнхэм» выдатна разумее, што «кананіры» набралі добрую форму і дыхаюць ім у спіну.
Другі «сухі» матч да шэрагу таксама кажа пра тое, што «Арсенал» знаходзіць сваю гульню.
Перад стартавым свістком, на стадыёне была аб'яўлена хвіліна маўчання *. Капітан «Арсенала» Робін ван Персі трымаў вянок, які ў бліжэйшыя дні будзе ўскладзены каля таун-хола ў Ізлінгтоне.
У сярэдзіне тыдня ў паядынку Лігі Чэмпіёнаў з «Марсэлем» Ван Персі выйшаў на замену, што не дзіўна. Перад гэтым матчам 28-гадовы футбаліст атрымаў 2 ўзнагароды - «Гулец месяца» і «Лепшы гулец па апытанні Arsenal.com». За Робіна прагаласавала 88% з людзей якія прынялі ўдзел у галасаванні.
Складаней атрымалася сітуацыя з цэнтрам абароны. Упершыню Арсен Венгер мог выбіраць з Томаса Вермалена, Ларана Касельні і Пера Мертэзакера.
У выніку нямецкі абаронца застаўся ў запасе.
У апошні час перамогі ў родных сценах сталі залогам поспеху «кананіраў» і іх ўзыходжання па турнірнай табліцы. Магчыма, у каманды ёсць усё неабходнае для новых здзяйсненняў.
У першыя 15 хвілін матчу гаспадары цалкам валодалі ініцыятывай, хоць удараў па варотах «драздоў» не было. Госці прытрымліваліся знаёмай тактыкі, імкнучыся надзейна згуляць у абароне і па магчымасці контратакаваць.
Праўда, у першым тайме наперадзе ў гасцей практычна нічога не атрымлівалася.
Першы ж ўдар кананіраў у створ варот аказаўся выніковым і пасля гэтага футбалісты «Арсенала» ужо не спыняліся. Ааран Рэмсі дакладнай перадачай вывеў Уолката на ўдарную пазіцыю па правым флангу. Бэн Фостэр справіўся з ударам ангельца, але мяч адскочыў да Ван Персі, які не прамахнуўся з блізкай дыстанцыі. Гэта быў 13 гол галандца ў гэтым сезоне і 8-ай у апошніх 7 матчах Прэм'ер-Лігі.
Гэты ўдар толькі пацвердзіў перавагу гаспадароў.
Кананіры працягвалі аказваць ціск на вароты Фостэра, не прыкладаючы да гэтага якіх-сці высокіх намаганняў, а затым, за 6 хвілін да перапынку, лік стаў 2:0.
Ван Персі з края зрабіў перадачу назад і Вермален магутным ударам забіў свой першы мяч з таго трагічнага дня ў лютым 2010 года, калі ў паядынку са «Сток Сіці» Аарон Рэмсі зламаў нагу.
Дзякуючы гэтаму мячы «Арсенал», упершыню ў гэтым сезоне, дамогся станоўчай розніцы забітых і прапушчаных мячоў.
Першы тайм атрымаўся вельмі лёгкім для гаспадароў, ім нават не прыйшлося ўключаць хуткасці. Паводле статыстыкі, «Арсенал» валодаў мячом 71% гульнявога часу, тройчы прабіў па варотах і забіў 2 гала. «Вест Бромвіч» не змог патурбаваць Войцэха Шчэсны.
На зыходзе гадзіны гульні Вермален мог зняць усе пытанні аб пераможцы, але недакладна прабіў галавой пасля вуглавога ў выкананні Робіна ван Персі.
Пасля гэтага Крыс Брант прабіў нагой у скачку, але мяч прайшоў вышэй варот. Добры галявы момант, але не занадта добрая рэалізацыя.
Пры ўсёй перавазе «кананіраў» яны яшчэ не сказалі апошняга слова. На 60 хвіліне Жэрвінья прарваўся па левым флангу, мяч апынуўся ў Рэмсі, але пасля яго ўдару праляцеў уздоўж варот.
Рой Ходжсан выпусціў на поле Золтана Геру і Самена Чойі, каб узмацніць атакуючы патэнцыял каманды. Пярэдняя лінія «драздоў» у гэтым матчы маўчала.
Гаспадары зноў сталі пагражаць варотам Фостэра. Яму за кароткі прамежак часу прыйшлося здзейсніць некалькі няпростых сэйваў. Спачатку нізам біў Жэрвінья, а затым Алекс Сонг апынуўся перад штрафной і паспрабаваў паслаць мяч у верхні кут.
На 70 хвіліне Уолкат прайшоў па правым флангу, аддаў мяч Ван Персі, але той прабіў вышэй варот.
Затым замест Рэмсі і Жэрвінья на поле выйшлі Томаш Расіцкі і Ёссі Бэнаюн. Настаўнік «кананіраў» хацеў супакоіць гульню і гэта яму ўдалося.
За 16 хвілін да канца матчу Ван Персі аддаў перадачу на Артэту і іспанец зрабіў лік 3:0. Гейм, сэт і матч.
Неўзабаве пасля гэтага Чойи ірвануўся ў атаку, але з ім вельмі лёгка справіўся Вермален і прыняў на сябе другі ўдар форварда. Гэта быў самы небяспечны момант у варот Шчэсны за 90 хвілін.
Лепш за ўсё госці правялі апошнюю 10-хвілінку калі ўсё ўжо было ясна.
Шчэсны справіўся з ударам галавой Стывена Рыда і з стрэлам Джэймса Морысана.
Нішто не азмрочыла выдатнай перамогі каманды Арсена Венгера.
*- Памінальная нядзеля (бліжэйшая да 11 лістапада нядзеля, дзень памяці ахвяр Першай Сусветнай вайны)
Дзень перамір'я - Апошні дзень Першай Сусветнай вайны (11 лістапада 1918 года)
Матэрыял: http://www.fc-arsenal.com/news/arsenal-vest-bromvich-3-0-otchet
